The Francesco

营业中

休息中

大角咀一向都多美食，今次揾到间正宗意大利餐厅，就同朋友去试试。餐厅都几大，枱同枱之间有距离，坐得几好~而且价格都唔贵。见到人地食白汁蚬肉意粉，卖相不错，就叫来试呢。 蚬肉非常大只又厚肉，仲好鲜甜。 扁意粉好弹牙，嗦汁一流，非常惹味。如果钟意食薯条，一定唔好错呢间既薯条，新鲜热辣炸起，外脆内软，而且呢度既茄汁会上一大碟，唔惊唔够哦~茄汁控一定好喜欢。甜品就叫左tiramisu, 口感湿润，微微酒香同咖啡香，但甜度岩岩好，唔会过甜。朋友话想食猪仔骨，一上来真系吓亲，份量超多。 猪仔骨肉质腍滑，超多肉。 薯条好香脆，沙律都好鲜，非常解腻。