莆田 (形點 I)

营业中

休息中

前晚同屋企人又去咗莆田食饭，见到佢有大闸蟹二人餐，一于试下。😋🦀大闸蟹2人A餐 $668/两位🖤虾苗拌头水紫菜水紫菜好爽口，一个几开胃嘅前菜。🦀清蒸大闸蟹重头戏就系每人一只足五两嘅大闸蟹🦀 两只都系大闸蟹公，一打开就见到满满嘅白膏😆 蟹膏好甘香，白膏黏口。蟹脚都好多肉，大满足。🐷莆田荔枝肉次次嚟都要食佢地嘅荔枝肉，荔枝肉大大件，炸得啱啱好，好香脆，肉质嫩滑，酸酸甜甜好惹味。😋🍲莆田扁肉汤扁肉汤入面有好多粒小云吞，几好饮。🍜妈祖太平面第一次食太平面，估唔到入面原来有鹌鹑蛋，几特别。仲有啲虾仁同蚬肉，好足料。🥜芋圆花生汤 最后甜品系芋圆花生汤，芋圆都几大粒，成个甜品唔会好甜，啱啱好。食完店员仲会送一壶黑糖姜茶驱寒，好好饮。