神虎麺商店

营业中

休息中

今次嚟到湾仔一间由大阪过嚟香港开分店嘅正宗拉面店，神虎面商店，呢度嘅拉面全部都系用虎字去命名，不过一睇个名其实都大致区分到系咩拉面嚟。我地今次拣左海老虎拉面🍜同埋神虎拉面🍜，海老虎拉面系香港店限定嘅，得香港呢度有得食，自然要试下喇；另外神虎拉面就系呢度嘅招牌拉面，当然都好值得一试。日文海老即系虾，海老虎拉面🍜其实就系汤底加入左鲜虾味噌，味道好浓好鲜，想食鲜甜味道嘅话可以拣呢个汤底。至于神虎拉面🍜就系呢度嘅招牌拉面，点解可以成为招牌呢？系因为佢嘅汤底系特浓嘅豚骨汤，饮落非常美味，此外佢嘅叉烧并唔系普通叉烧，而系西班牙猪嘅豚肩肉同豚腩肉嚟，所以食落系非常幼滑，入口即溶嘅感觉，再配埋一颗流心蛋，不愧系呢度嘅招牌拉面。呢度除咗拉面系自家制，就连小食都系自家制嘅。佢地嘅饺子系每日新鲜整，皮薄馅靓，煎得香脆可口，真系流哂口水。仲有炸鸡块同样出色，炸得金黄香脆，令人食指大动。食完拉面最后饮返支桃味梳打汽水🍑，享受左完美嘅一餐。