花丸軒

营业中

休息中

最近知道位于大阪嘅拉面店 - 花丸轩喺香港开分店，就决定一于同👦🏻食！之前去旅行是已经好想食，可惜当时太多餐厅想去，就放弃咗呢一间猪软骨拉面店🥲。虽然香港分店嘅价钱贵过日本，但系唔使坐飞机就食到，即刻觉得冇问题！🌟招牌原条慢煮猪软骨拉面配溏心蛋一嚟到就比猪软骨嘅Size吓亲，听闻长度有成25cm！而猪软骨嘅质感并唔系平时食开旧朋仲系奶白色爽爽地，而系入晒酱汁味道，食软骨就好似食紧啫喱咁，骨胶原满满嘅感觉😍！即使系瘦肉部分，亦唔会觉得柴！至于汤底部分，汤底有浓厚猪骨加酱油风味，入口顺滑唔会太骚。汤底面层嘅油更能够帮拉面保温🍜。🌟幸福拉面二重奏(叉烧、猪软骨) 配溏心蛋至于幸福拉面二重奏嘅面底同汤底基本上同猪软骨拉面大同小异。而叉烧就用咗五花腩，肥瘦均匀，有略略炙烧，唔会太油腻。另外要赞下佢地嘅溏心蛋，个人认为系近排食过嘅拉面店嚟讲算高质，蛋白入味，蛋黄部分呈橙黄色，保留少少流心。🌟唐扬炸鸡炸鸡一如其他炸鸡，都保留大量肉汁够晒Juicy。酱汁相信系店家特调嘅，蛋黄酱比坊间嘅更轻盈。