影片
更多
2021-10-22
11300 浏览
我喺系8月份订位嘅，星期一同妈咪，表姐一齐去。三人用HSBC有折，扣减两张$100现金券，加一后，埋单系$1497.60-。当晚6:30已经到场，应该有八成入座。要排队嘅只有生蚝及煎鹅肝多士，但排队人数绝对唔多，大概都系得四五个。生蚝系有比较逊色，属于BB级数，比较细只，体型只有半只手指咁大。煎鹅肝嘅师傅大约10至15分钟煎完大约20件，一分为二，放喺多士上。我谂我哋攞咗起码十几转，排队都冇超过3分钟。冻海鲜共合约四款，有龙虾、蟹脚、青口、蟹。无可否认啲蟹脚系细啲瘦啲。但当晚龙虾好鲜甜，咁多款涷海鲜里面食得最多款就系呢个。平时喺出面食到好多都系已经好冰，应该解冻功夫做得唔好。唔系我一个人话好食㗎，妈咪同表姐都食咗好多㗎，唔好以为我老吹😎！由于现时做『🇪🇸西班牙🇪🇸』主题，除咗有Ham、西班牙涷汤、另外都仲有西班牙蛋饼、西班牙肉丸、红酒会转面𣍰肉、西班牙海鲜饭等等。是日主要肉食，是日有斧头扒，肉眼扒、羊脾、西班牙乳猪，鹅肝多士。肉眼扒烧得太熟，唔啱我呢个嗜血嘅人。如果唔钟意食西式，呢度有金银蛋粥（师傅话每日煲嘅粥都唔同嘅）
当晚6:30已经到场，应该有八成入座。要排队嘅只有生蚝及煎鹅肝多士，但排队人数绝对唔多，大概都系得四五个。生蚝系有比较逊色，属于BB级数，比较细只，体型只有半只手指咁大。煎鹅肝嘅师傅大约10至15分钟煎完大约20件，一分为二，放喺多士上。我谂我哋攞咗起码十几转，排队都冇超过3分钟。
冻海鲜共合约四款，有龙虾、蟹脚、青口、蟹。无可否认啲蟹脚系细啲瘦啲。但当晚龙虾好鲜甜，咁多款涷海鲜里面食得最多款就系呢个。平时喺出面食到好多都系已经好冰，应该解冻功夫做得唔好。唔系我一个人话好食㗎，妈咪同表姐都食咗好多㗎，唔好以为我老吹😎！

由于现时做『🇪🇸西班牙🇪🇸』主题，除咗有Ham、西班牙涷汤、另外都仲有西班牙蛋饼、西班牙肉丸、红酒会转面𣍰肉、西班牙海鲜饭等等。
是日主要肉食，是日有斧头扒，肉眼扒、羊脾、西班牙乳猪，鹅肝多士。肉眼扒烧得太熟，唔啱我呢个嗜血嘅人。
如果唔钟意食西式，呢度有金银蛋粥（师傅话每日煲嘅粥都唔同嘅）、汤粉面、上汤蒸上蔬、药膳鸡脚。仲即烤片皮鸭、海南鸡、卤肉、卤豆腐。 另外仲有中式莲藕章鱼汤及南瓜汤。
片皮鸭真系好受欢迎，个师傅不停已经出鸭片鸭，忙到冇停手，但去咁多转，啲阿姐阿哥都系留番啲肥嘅俾我哋啲后生食。惨惨猪！
热盘有猪脚姜、杭州骨、白酒青口、酿蘑菇、煎鱼、炸虾球、炒意粉、炒饭。
有焗微型薄饼、三款印度烤饼、三款唔同口味嘅咖喱。呢个薄饼就真系唔系好得啦，个卖相唔得、味道都唔得。食惯啲炭烧薄饼，呢啲真系唔放得入口。
除咗寿司、剌身。呢度仲有炉端烧、大阪烧、天妇罗炸物、日式冷面。
炉端烧：我试食咗鸡肾、鸡皮及鸡髀菇。师傅都好忙，不停烧不停烧，去到尾声8:30都仲见佢烧紧。
天妇罗炸物：呢两个师傅都几忙，成晚冇停过手。有炸蚝、炸虾、炸饺子、炸番薯、炸茄子。。。
剌身只有四款：分别三文鱼、吞拿鱼、八爪鱼、䲞鱼。我问过师傅，佢话每日都会转款，所以未知道听日会提供边款剌身。
寿司有好多款， 大细就好似而家出面食嘅放题一样。全晚不停有有补给，但好可惜今次冇海胆卷。
沙律、生果𠮶啲唔使讲啦。沙律菜系有大约五款，生果就比较少得三款，呢两样嘢都冇机会食。所以唔讲！唔记得咗同大家讲呢度仲有免费咖啡、冻柠檬茶、荔枝冰红茶，同埋涷水提供嘅。
女仔都系比较注重甜品，放大目标喺呢度。
自制沙冰：有四款糖浆，但我只记得分别系薄荷、芒果。配料多到呢：有珍珠、凉粉、寒天，爱玉、芋圆、红豆绿豆、西米、椰纤果、龙眼、芦荟、什果等等。。。
自制意大利雪糕：是日有D24榴梿、杏桃、荔枝草莓雪芭、芒果热情果雪芭。除咗榴梿，我都试食咗，食咗几杯。雪芭整得好好食，唔过甜。
Haagen daz雪糕：好多餐厅都有㗎啦，冇乜嘢好讲。但系呢度有好多种口味：蓝莓、士多啤梨、咖啡、云呢拿、朱古力、曲奇。有啲网友话见过有哈密瓜、夏威夷果仁、焦糖、芒果红桑子等等。。。
另外仲有：
鲜奶炖桃胶 焦糖炖蛋 芒果黑糯米
咖啡奶冻 抹茶奶冻 草莓奶冻
生果蛋挞 杨枝甘露布甸 伯爵茶蛋糕
栗子蛋糕 芒果慕丝 柚子蜜蛋糕 啫喱
忌廉泡芙 法国咖啡泡芙 丝绒朱古力蛋糕
白桃忌廉鲜奶卷 意大利芝士蛋糕 桂花糕
黑糖豆腐布甸 柠檬蛋白蛋糕 杏桃批 苹果金宝
不能尽录。。。。
除咗自家制嘅雪糕雪芭，我都有食焦糖炖蛋啦，几件蛋糕、奶冻、泡芙，以及好滋润嘅鲜奶炖桃胶。
呢间酒店都几好，食到埋尾都不停有出唔同款嘅甜品，可以不停试多几样。 — 食晚餐；喺 Alva House 。
张贴
