天丼

营业中

休息中

食过好多次《天丼》，但每次都系外卖返屋企食，难得经过东港城，当然唔好错过食热辣辣天妇罗嘅机会啦，最重点系星期六中午一点半竟然无人排队。🥢海老滑蛋丼 $79 ⭐️⭐️⭐️⭐️现场食除咗可以食到热辣辣兼弹牙嘅虾天妇罗外，仲可以食到香滑嘅蛋，半熟蛋+洋葱+白饭真系劲好味，外卖系唔会食到架。🥢天妇罗荞麦面(冷面) $88 ⭐️⭐️⭐️⭐️最多人叫系冷面，但唔明点解冷面嘅天妇罗无得选择，独沽一味系虾+蟹柳+茄子+莲藕+四季豆，不过样样都好味，食极都唔会厌。🥢菠萝天妇罗配雪糕 $22 ⭐️⭐️⭐️⭐️竟然黐张甜品menu响枱面诱惑我！菠萝天妇罗系估唔到嘅好味，重点系要加上面半溶嘅云尼拿雪糕一齐食，味道同口感都唔错几特别，不过下次要飞走我至憎嘅肉桂粉。二人共消费：$207