101 Binary

营业中

休息中

今晚放工唔煮饭同老公撑枱脚，呢间餐厅我想去好耐，因为被佢好特别既铁闸门吸引，今日终于食到。好多款嘢食都想叫，选择困难，最后拣咗3款share。烧封门牛肉三文治$88个三文治好正，个sour dough充满新鲜面包香气又香脆。烧牛肉爆多，烧牛肉好厚，直程系牛扒咁样，好香，加上沙律菜同埋啲烧汁，每一啖都是好滋味。惊喜嘅系，呢个三文治仲配埋沙律，性价比超高。黑松露杂菌意大利饭$108黑松露香气四溢，个饭好creamy，饭粒口感有咬口，杂菌都足料。美国牛肩扒配炸薯条，焗蒜$248牛扒今日转咗封门柳，切开牛肉色泽粉嫩，好Juicy，重牛味，炸薯条新鲜香脆，个焗蒜头亦都不能错过，软糯又甘香。