影片
更多
2024-04-01
6 浏览
工业风cafe，原先想坐室外，因为本身钟意chill住叹咖啡，不过呢几日真系有啲冻，等下次先！入到去第一印象系楼底好高，加上简洁型格嘅装修令人好放松，不失为一个朋友聚会/打卡嘅好地方📸餐牌方面，睇门面感觉到系主打咖啡为主，估唔到原来好多样化！由 nibbles, soup, salad 到light meal, pasta, main course, dessert 一次过满足晒！是日餐汤 - 南瓜汤 🥣唔系好重忌廉，反而系突显南瓜嘅香味，饮晒成碗都唔觉heavy！自选沙律 - 芦笋牛油果沙律配日式芥末油醋 🥗沙律系拣两款配菜。芦笋够清脆，牛油果熟度啱啱好 👍🏻最欣赏嘅系除咗平时食开嘅沙律菜，仲有车厘茄，哈密瓜，蓝莓同柑橘。因为我嗌嘅组合比较清淡，水果嘅加入令到个沙律增添咗甜味，加上菜嘅爽脆同沙律醋嘅酸，真系balance得好好，味觉上好丰富。黑松露杂菌意大利饭 🍄一上枱已经闻到劲香黑松露味！risotto嘅texture啱啱好，蘑菇量多而且味道浓郁。每一啖都好丰富，好满足。慢煮美国封门柳伴薯蓉配烧肉汁 🐮全晚最惊喜!! 朋友拣咗呢个main，冇为意系慢煮，以为系普通煎牛扒。封门柳系牛
入到去第一印象系楼底好高，加上简洁型格嘅装修令人好放松，不失为一个朋友聚会/打卡嘅好地方📸
餐牌方面，睇门面感觉到系主打咖啡为主，估唔到原来好多样化！由 nibbles, soup, salad 到light meal, pasta, main course, dessert 一次过满足晒！
是日餐汤 - 南瓜汤 🥣
唔系好重忌廉，反而系突显南瓜嘅香味，饮晒成碗都唔觉heavy！
自选沙律 - 芦笋牛油果沙律配日式芥末油醋 🥗
沙律系拣两款配菜。芦笋够清脆，牛油果熟度啱啱好 👍🏻
最欣赏嘅系除咗平时食开嘅沙律菜，仲有车厘茄，哈密瓜，蓝莓同柑橘。因为我嗌嘅组合比较清淡，水果嘅加入令到个沙律增添咗甜味，加上菜嘅爽脆同沙律醋嘅酸，真系balance得好好，味觉上好丰富。
黑松露杂菌意大利饭 🍄
一上枱已经闻到劲香黑松露味！risotto嘅texture啱啱好，蘑菇量多而且味道浓郁。每一啖都好丰富，好满足。
慢煮美国封门柳伴薯蓉配烧肉汁 🐮
全晚最惊喜!! 朋友拣咗呢个main，冇为意系慢煮，以为系普通煎牛扒。封门柳系牛里面算瘦嘅部位，所以如果系煎基本上都expect佢会鞋同干。估唔到呢个切开系眼见好juicy,食落更系非常嫩滑同牛味浓郁！第一次食USDA Prime grade嘅封门柳（忍唔住问咗啲staff)，估唔到咁出色。薯蓉食落唔算多牛油，但口感依然顺滑。对于我呢个(懒)注重健康嘅人来讲，呢一道真系冇得输👍🏻
姜汁鲜奶咖啡 ☕️
最后就以一杯平时比较少见嘅姜汁latte做ending
可以自行选择咖啡豆（浅/中/深烘培配方）同奶。杯咖啡好够姜，饮得出系新鲜嘅姜汁唔系沟粉。加入的黑糖和奶中和了咖啡的苦和姜的辣，结合出一种多层次嘅口感。
价钱合理，食物高质有诚意
张贴
