叁不館

营业中

休息中

今日去咗天后叁不馆打边炉，我哋六点左右去到已经有人食紧了！佢系香港旧时设计，入到去就有一种温馨嘅感觉😊，墙上仲有啲装饰画🎨，增添咗几分艺术气息。餐厅内部嘅摆设简约又实用！汤底方面，我哋拣咗洛洛鸡花胶汤🍲，佢味道浓郁，花胶大大只，鸡又嫩滑，绝对系一流嘅滋补汤底！ 野食方面，首先系本地手切肥牛🥩，肉味浓郁入口滑，真系冇得弹，原条活鲜桂花鱼🐟鱼肉鲜嫩，而且肉质非常细滑，真系食完一块又一块。Q弹鲜虾丸🦐同手打墨鱼滑都非常出色，口感弹牙，味道同样好鲜甜！海鲜叫左蛏子同鲍鱼，2者都好新鲜，鲜甜！另外，猪腰嘅处理非常好，冇异味，入口鲜甜😋，处理得非常干净利落，口感滑嫩无比。仲有粉丝吸哂汤底嘅味道，真系好好食。鲜虾云吞皮薄馅靓，虾肉鲜甜！服务方面，服务员非常细心，清楚讲解汤底同每一款酱汁，令人感受到佢哋嘅专业态度和贴心服务。🥢整体嚟讲，叁不馆嘅食物质素高，环境舒服，服务态度好，值得一试。佢仲有一蚊啤酒优惠，无论家庭聚餐定朋友聚会，都系好选择👍