影片
更多
2006-03-14
26 浏览
近日天气突然反常,廿四小时内气温直插十度.连带个人,神智不清,全日没精打采.做任何事一样提不起劲.点都好,一早约左个异性密友晚饭,个样点死都要顶硬上.死顶之后,原来朋友比我更严重,近日皮肤敏感.正在戒口当中.讲得出的食物,大多唔食得.海鲜煎炸奶类食物一律禁止,我去蛇王芬吧,唔食得蛇,一样有其他野食.)朋友本身住在Soho脚下,当然无异议.反正天气寒冷,食蛇系必然正选之一.朋友戒口当中,加上自身唔算特别肚饿,一碗蛇羹,一个煲仔饭.而朋友唔要蛇羹,要左个几补的响螺鸡脚汤.蛇羹卖成六十银一碗,用料当然比出面更多,更名贵.有花胶同鲍鱼呢两味,已经值回票价.十几样材料蛇肉鸡肉等等材料,味道非常鲜甜,加埋花胶,可话系"胶质丰富".一碗到肚,即刻要除外套.凤爪排骨饭卖成$80一窝,两个人分,几贵.因为,呢度系中环.想平,不如落老庙,或老铜登龙街.不过,都几好吃,饭焦也够香够脆.两个人状态麻麻,想叫多客孖肠饭都唔得,事后例牌菜.行多两步上去公利饮蔗汁.心有不甘,择日重赛.PS:店内电视正在播东张西望,镖叔今日出殡,感觉有点雪上加霜.在小学年代,听佢讲马听到大.听到未成年学人入投注站落榄.咁多年来,无一
点都好,一早约左个异性密友晚饭,个样点死都要顶硬上.
死顶之后,原来朋友比我更严重,近日皮肤敏感.正在戒口当中.讲得出的食物,大多唔食得.
海鲜煎炸奶类食物一律禁止,我去蛇王芬吧,唔食得蛇,一样有其他野食.)朋友本身住在Soho脚下,当然无异议.反正天气寒冷,食蛇系必然正选之一.
朋友戒口当中,加上自身唔算特别肚饿,一碗蛇羹,一个煲仔饭.而朋友唔要蛇羹,要左个几补的响螺鸡脚汤.
蛇羹卖成六十银一碗,用料当然比出面更多,更名贵.有花胶同鲍鱼呢两味,已经值回票价.十几样材料蛇肉鸡肉等等材料,味道非常鲜甜,加埋花胶,可话系"胶质丰富".一碗到肚,即刻要除外套.
凤爪排骨饭卖成$80一窝,两个人分,几贵.因为,呢度系中环.想平,不如落老庙,或老铜登龙街.不过,都几好吃,饭焦也够香够脆.两个人状态麻麻,想叫多客孖肠饭都唔得,事后例牌菜.行多两步上去公利饮蔗汁.
心有不甘,择日重赛.
PS:店内电视正在播东张西望,镖叔今日出殡,感觉有点雪上加霜.在小学年代,听佢讲马听到大.听到未成年学人入投注站落榄.咁多年来,无一个评马人,好似佢咁够姜,兜口兜面在节目内问告东尼有无拉马.同质疑当年许怡,点解仲要用马泰斯骑翠河?
唉..........而家?吴嵩?马后炮就有佢份!
张贴
