影片
更多
2024-10-31
544 浏览
約咗朋友嚟濕地公園行下，入場前先去附近食個午餐。見到呢間「小茶角」嘅環境唔錯，裝潢融入了大自然元素，加上設有室內和戶外座位，空間感十足，令人覺得特別舒適寫意。餐廳主打牛角包漢堡，另外亦有沙律、炸物小食、主菜、全日早餐、意粉、甜品及飲品等供應。蒜香白酒煮蜆 ($98) 蜆肉大大粒，煮得火候剛好，鮮嫩又無沙，入口非常清甜，帶白酒和蒜蓉香。紐西蘭牛肉眼扒8oz 配炸薯角及田園沙律 ($158)、是日餐湯 (+$12) & 鮮奶咖啡($18) 肉眼煎得啱啱好，肉感強勁，無多餘脂肪，入口牛味重又有肉汁，唔使點醬汁已經好夠味。班尼迪蛋配煙三文魚 ($88) & 牛油果 ($18)，食材以牛角包夾著，賣相挺吸引。三文魚脂肪豐富，牛油果香滑腍身，班尼迪蛋一切即流心，配上招牌 pastry croissant，入口甘香鬆脆，鹹食控絕對不能錯過！飲品點咗杯百香果梳打 ($37) 味道好 fresh，好清新；latte 香醇順滑，加上靚靚拉花，用心有誠意。甜品選了焦糖珍珠窩夫 ($58) 窩夫烘到外脆內軟，入口蛋香味好濃郁，再伴以煙韌珍珠同冰凍雪糕吃，真係冇得輸！
見到呢間「小茶角」嘅環境唔錯，裝潢融入了大自然元素，加上設有室內和戶外座位，空間感十足，令人覺得特別舒適寫意。
餐廳主打牛角包漢堡，另外亦有沙律、炸物小食、主菜、全日早餐、意粉、甜品及飲品等供應。
蒜香白酒煮蜆 ($98) 蜆肉大大粒，煮得火候剛好，鮮嫩又無沙，入口非常清甜，帶白酒和蒜蓉香。
紐西蘭牛肉眼扒8oz 配炸薯角及田園沙律 ($158)、是日餐湯 (+$12) & 鮮奶咖啡($18) 肉眼煎得啱啱好，肉感強勁，無多餘脂肪，入口牛味重又有肉汁，唔使點醬汁已經好夠味。
班尼迪蛋配煙三文魚 ($88) & 牛油果 ($18)，食材以牛角包夾著，賣相挺吸引。三文魚脂肪豐富，牛油果香滑腍身，班尼迪蛋一切即流心，配上招牌 pastry croissant，入口甘香鬆脆，鹹食控絕對不能錯過！
飲品點咗杯百香果梳打 ($37) 味道好 fresh，好清新；latte 香醇順滑，加上靚靚拉花，用心有誠意。
甜品選了焦糖珍珠窩夫 ($58) 窩夫烘到外脆內軟，入口蛋香味好濃郁，再伴以煙韌珍珠同冰凍雪糕吃，真係冇得輸！
张贴
