天海 (已結業)

周六早上honey喺中环睇完医生，中午时份两口子就应虎兄早前推介，行咗过去鸭巴甸街，一试新开不久o既天妇罗专门店「天海」 。其实同一条街上面已有两家高价名天妇罗店，只有九个位o既「天海」居然选择喺佢地中间开设，可真谓胆识过人  ！由于午市不设订座，营业时间又只得两小时，人齐方可入座亦属理所当然。小店门面并不起眼，落地玻璃身后只有一盆座地鲜花。花旁简单一句「日本产米使用店」却又足以为食客打下强心针 。店内只有门旁o既靓花摆设，装潢简约优雅得黎尽显实而不华之风格。座位全部围绕住师傅o既煮食舞台，每份午餐都系由大厨老板亲自即场炸制，企足两个钟，绝无欺场 ！入座一刻，日藉女主人先每人送上热烘烘o既绿茶一杯，窝心又暖手。食店小本经营，餐牌亦较简单，据悉晚餐冇得拣，只可任由厨师发办，约千三蚊一位。午餐现阶段则有四款套餐可选，每款均为$180，另收加一服务费；预计稍后将加推和牛三文治。二人第一次光顾，小肥好传统地叫咗客「天丼」，较爱吃面o既情人则点选天妇罗荞麦面餐「天せいろ」。睇到餐牌上列出一款名叫「静冈割り」o既绿茶鸡尾酒好似几得意咁，$68杯又唔贵，XO仔就叫咗杯黎试。 特饮茶味幽香，