華康餐廳 (已結業)

数下手指, 师傅喺呢一区又进入倒数阶段, 所以一定要尽量试多几间唔同嘅食店; 由于师傅经常见到呢间食店个招牌, 光光猛猛, 所以成日心思思想黎试下, 上星期终于黎左呢度, 作为倒数第一站!午膳时间入到去都几多人, 不过一条友始终容易揾位, 于是坐底睇下有咩好食啦, 点知是日午餐又唔系好啱食, 谂左一阵师傅就柯打左个窝蛋牛肉饭加多杯冻柠茶!等左一阵窝蛋牛肉饭同冻柠茶就摆左喺师傅面前, 窝蛋牛肉饭卖相都几靓, 将只蛋捞匀, 再加埋个汁送饭, 都几好味; 牛肉都算几松身, 味道一般啦, 而菜心就非常嫩绿, 加上都几甜, 几好味; 而冻柠茶味道唔错, 有茶味又有清甜, 都算唔错啦!总括黎讲食物质素都可以, 环境就清洁光猛, 服务就一般, 而价钱都唔平, 三十二蚊碟饭而冻柠茶就十五蚊杯, 埋单四十七元正, 抵食程度一般; 话说师傅食完晏行去埋单啦, 𠮶位收银竟然收师傅四十九蚊, 师傅不以为言照比, 但踏出门口师傅就计下数, 由于师傅事前唔知杯冻柠茶几钱, 所以屈指一算, 哗! 要成十七蚊杯, 似乎贵少少㖞, 师傅唔系好甘心, 于是行返转头睇下价发现系十五蚊, 于是同个收银讲, 吓! 佢重要话师傅