太元樓

营业中

休息中

今日一家人嚟到太元楼，新店开张所以值得支持。乳鸽只系$28一只，我哋叫咗两只，肉嫩皮亦脆。父母话有时食素对身体更健康，所以叫左脆皮素鹅，脆卜卜但一啲都唔油腻，第一次觉得萝卜青瓜配搭咁好味。狮子头肉质超级软腍，而且好大粒。小笼包虽然皮薄但夹起身唔会易烂，馅料肉嫩多汁。奶油津白既汁非常creamy，佐饭一流。海鲜炒饭炒得非常干身，分量几大，可以分到四大碗。最后叫咗云吞鸡1/4只，入面有大量菜同云吞。一开始要为云吞鸡嘅鸡会好韧，点知食落几嫩滑，汤底非常鲜甜，感觉冇味精。