CIAK - All Day Italian (太古城中心) (已結業)

去太古城购物之余，都要揾食，见呢间新开，就入去试一试。太古城呢间系中环置地广场CIAK -In The Kitchen嘅分店，中环店有米芝莲一星，但我未去过，先试呢间未有星嘅。我地四个人，坐低先嚟四瓣面包，热辣辣，皮脆内软，好食份量较细，两啖食完一瓣，男士可能一啖就食完侍应介绍，今日有龙虾意粉，系餐牌冇嘅，我地都钟意食龙虾，所以要咗有半只龙虾，个龙虾汁好味，呢个意粉其有高级餐厅嘅水准，都系份量较细Mixed salad，蔬菜新鲜，简单用橄榄油同醋调味烤香肠，可以叫单一款或双拼，因为个个都唔食辣，所以只叫单一款，佢地自家制做，新鲜好味Pizza又系可以选单一或双拼，我地叫咗双拼，食果阵时要小心，茄酱好热，个面团较厚身，好似刚才食果几瓣面包，可能系用同一个面团食物份量较细，唔系好够饱，叫多两个甜品蛋白饼球，里面有热情果芭菲同糖煮士多啤梨伴白朱古力汁暖苹果挞，好重肉桂味，加埋佢地自家制云呢拿雪糕一齐食食物有水准，都系果句，份量细，服务亦几好