影片
更多
2023-09-24
51 浏览
话说系太古长大既我，自从好多年前搬走咗之后都好耐冇返黎太古城喇，最近听朋友讲话太古城新开左IKEA，所以今日放工专登过黎行街。上OpenRice揾吓有咩好食嘅时候，见到呢间几精致既日系Cafe，睇相见到环境同嘢食都唔错，所以就喺呢度食晚饭喇。果然一踏入cafe，见到佢哋嘅装修好新净，用上木色嘅家私，有日系小清新既感觉，就知道冇拣错。😆〈茄汁大虾扁意粉〉朋友钟意食虾，所以就叫咗呢个大虾意粉。一上枱见到佢地意粉嘅摆盘整齐，就觉得好有心思。大虾嘅份量都几多，足足有成五只。我试食咗几啖，觉得茄汁既酸度适中，大虾嘅肉质都几结实弹牙。〈香草酱烟三文鱼长通粉〉上面既烟三文鱼卷到一朵朵花咁，净系卖相已经好靓仔。香草酱调味适中，惹味，口感够creamy，酱汁份量啱啱好可以捞匀晒成碟长通粉。长通粉煮得口感刚好，唔会过硬或过淋，亦好挂汁。旁边仲有啲车厘茄，令成碟意粉既味道唔会太过单调。〈咖啡味软雪糕〉一黎到就觉得，哇呢杯雪糕嘅size真系唔讲得笑。😳 朋友话特别钟意呢个咖啡味雪糕，咖啡同埋奶味都好浓郁，而且雪糕嘅质地好实，好有份量。〈黑熊芭菲〉其实我拣甜品嘅时候都纠结咗一阵，因为见到除咗雪糕，芭菲，仲有窝夫
果然一踏入cafe，见到佢哋嘅装修好新净，用上木色嘅家私，有日系小清新既感觉，就知道冇拣错。😆
〈茄汁大虾扁意粉〉
朋友钟意食虾，所以就叫咗呢个大虾意粉。一上枱见到佢地意粉嘅摆盘整齐，就觉得好有心思。大虾嘅份量都几多，足足有成五只。我试食咗几啖，觉得茄汁既酸度适中，大虾嘅肉质都几结实弹牙。
〈香草酱烟三文鱼长通粉〉
上面既烟三文鱼卷到一朵朵花咁，净系卖相已经好靓仔。香草酱调味适中，惹味，口感够creamy，酱汁份量啱啱好可以捞匀晒成碟长通粉。长通粉煮得口感刚好，唔会过硬或过淋，亦好挂汁。旁边仲有啲车厘茄，令成碟意粉既味道唔会太过单调。
〈咖啡味软雪糕〉
一黎到就觉得，哇呢杯雪糕嘅size真系唔讲得笑。😳 朋友话特别钟意呢个咖啡味雪糕，咖啡同埋奶味都好浓郁，而且雪糕嘅质地好实，好有份量。
〈黑熊芭菲〉
其实我拣甜品嘅时候都纠结咗一阵，因为见到除咗雪糕，芭菲，仲有窝夫，蛋糕，卷蛋等等，根本样样我都想食。结果见到呢个黑熊芭菲，个名好似几signature，所以决定叫呢个。佢系咖啡味软雪糕，加粟米片嘅脆脆，焦糖饼干同埋咖啡冻，成个配搭都唔错。同我朋友杯软雪糕一样，佢嘅size都系比较大嘅，好足料，其实够晒两个人share。
〈Earl Grey Tea (Hot)〉
呢到饮品选择都多，除左coffee，non-coffee，仲有tea选择。朋友果日咁啱想饮热茶暖暖胃，所以叫左呢杯Earl Grey Tea。我就冇试饮佢杯热茶所以comment唔到味道如何，但见到佢地茶具卖相都几精致。
〈Iced Pandan Latte〉
我几钟意呢杯latte！睇menu时觉得系出面好似未见过有pandan latte，觉得几特别所以决定想试下，但到落order时又怕杯野饮黎到会唔会其实系好淡口。结果唔系，好彩有叫到呢杯pandan latte，有好香浓既班兰味，而且奶味都够浓郁，甜度亦适中，成杯latte各方面都balance得好好，我个人十分推荐👍🏾
整体嚟讲，去一间餐厅食饭，其实最重要就系坐得舒服，同埋嘢食好味，呢度fulfill到晒呢到要求，仲要店员嘅服务态度都好好，成个体验都非常之唔错，有机会再嚟太古城嘅话，过嚟呢度chill下饮杯嘢，或者食个饭都唔错。☺️
张贴
