西苑酒家 (太古城中心)

营业中

休息中

今日去太古饮茶，拣左西苑，呢间酒楼出左名质素好，但价钱唔平。星期日饮早茶有特惠，10点到12点，所有点心，无论大，中，小，顶点，都系计大点价钱$42。咁就梗系拣d平时都唔系几舍得食既顶点啦。四个人叫左以下点心:柱侯牛孖筋(大点）估唔到d牛孖筋整得几入味，又够淋。虾饺（顶点） 够大粒，新鲜弹牙，皮又薄，冇得输！鲜虾菜苗饺（顶点）味道不错，够大只，但比我拣都系钟意虾饺多d。烧汁酿茄子（大点） 鱼肉入味，茄子够淋，配埋一起，衬到绝！虾胶（顶点） 皮薄馅靓，卖相又靓。虫草花灌汤饺（顶点） 两个人一盅，叫左两盅。灌汤饺味道冇想像中咁浓，胜在食材丰富，口感好！最后，重嗌左个腊肠滑鸡饭，都系$42。味道不过不失，可以接受。以西苑既质素，有特价，点可以唔考虑！