金泰子泰國餐廳 (已搬遷) 新店位置

之前买过几次外卖，都系冻食，酸辣凤爪 & 猪肉生菜包（冇影相）。呢两样都令人有惊喜正㖞！所以今晚揾埋妈咪一齐黎试下。5点几入黎食个 early dinner, 坐左喺隔离个铺位。睇过之前几个食评，叫左五个菜。第一个到嘅系虾炒金边粉，个卖相…夹落去就发觉湿得滞，有啲一旧旧咁，啲虾系底，虾肉死实实，个粉嘅调味太淡，冇咩味。海南鸡半只继而送到，跟泰式酸辣酱。已去骨，皮下肥膏可接受，鸡肉都算嫩，不过都系太淡，完全靠个酱虾饼系最好味果个 有成8件（已切半），热辣辣，有虾味够弹牙。好期待嘅咖哩软壳蟹同蒜蓉包差唔多同一时间送到包系意料之外咁细件，好似迷你热狗包嘅大细，佢唔系期待中嘅脆干身，而系外软内微烘嘅程度。中间仲酿左少少野，不过食唔出系咩都系味淡。咖哩叫左少辣，其实完全唔辣，仲用左好多蛋黄去炒，所以个酱睇落去好“杰”。配料有好多洋葱、唐芹&青椒。用个包仔夹住啲配菜食会好食啲，软壳蟹有很多件数，平均每人食左4件。埋单 Hk$344, 热食令我有啲失望。下次都系食返冷盘沙律果啲稳阵。