泰海鮮 (已結業)

之前成日同朋友食海鲜都系去西贡、鲤鱼门，但今日有机会同屋企人去食，突然谂起上次去过屯门感觉也不错一于就试下，带埋老婆同女儿去食。周末下午一点多入到去屯门三圣，揾海鲜档买海鲜，然后交比酒楼处理，见到这间高朋满座，非常专业，不久就已经可以有得食。我的女儿来过吃一次，话呢度嘅泰皇芝心虾丸一定要试，海鲜以外本身想叫粉面饭，佢话食完呢个都好饱，原来真系，芝心𥚃面啲芝士好似瀑布咁爆出嚟。冬荫公汤煮花甲，够酸辣又醒神，花甲好肥又鲜甜。未食过青山湾焗龙虾，上网睇得多 但都系第一次食，芝士焗得香，龙虾又大只。我次次食海鲜必吃的豉椒蛏子皇米粉底，蛏子皇够壮鲜甜，平时永远觉得带海鲜去都会俾人偷工减料，呢度你系觉得加料，但米粉底有少少失望比较硬。够香够热的胡椒姜葱鲍鱼煲，鲍鱼鲜甜又淋是太太最爱。炸生𧐢也不错，火候控制得刚好，大只香脆又creamy。人人都食得好开心，而且样样都系海鲜，非常满足。