Contrast

营业中

休息中

长沙湾Cafe环境好chill好舒服，街外路边唔繁忙、唔嘈吵，好适合一人去me time/ Solo working/ Small Group Gathering。开头望住佢个Menu 十分纠结去定唔去，因为一个人，但系又好想试食佢啲窝夫，见到啲相都好大份，怕食唔晒，点知去到见到佢Menu竟然有半份选择！！！ 真系太照顾我呢啲一人行了！🫶🏽我见佢嘅半份都纯粹系将四块窝夫变成两块，其余睇图完全同全份冇分别，简直系俾我食少啲，但依然能够尝试佢所有嘅好。竹炭糯米窝夫，首先最深刻嘅系佢嘅希腊乳酪忌廉，一开头见到成大Pat cream真系好有负担。点知食咗第一啖之后，完全觉得自己食紧Yogurt，一啲都唔腻，完全唔觉得有罪恶感，最后…竟然食晒！第二，佢嘅窝夫煮得刚刚好，咬落软熟，同时外皮又唔会过熟，未到脆硬口感。之前食过一间个窝夫煮得脆到又硬又介口。第三啲红莓酱、士多啤梨同埋牛奶雪条完全系丰富味蕾，冰火交融。一定会再encore兼要试埋另一个口味！