The Steakhaus

营业中

休息中

今日约咗个好耐冇见嘅旧同学系佢公司附近食晚餐，所以揾到呢间专食扒嘅The Steakhaus，又几有惊喜㖞。一坐低即刻拣咗铁板油泡安格斯牛柳13oz配烤大蒜。上菜嘅时候侍应会喺你面前摆牛柳烧烤。同时加上香草，真系香气四溢，令人食欲大开。呢枝雪茄造型嘅牛油系大蒜同香草味，可以搽上牛柳令其更加滋味。牛柳嘅配菜奥斯卡，爽口幼身嘅芦笋加咗少少盐同蛋黄酱调味，另外再捞埋蟹肉碎，系一个既健康又新鲜嘅配搭。咁耐冇见梗系要饮返两杯catch up一下近况。西瓜柑橘手工啤酒，清新怡人，甜味盖过咗啤酒嘅苦涩。Green Apple Mojitos 同样清凉甜美。饮嘢嘅时候叫埋黒松露和柏玛森起司炸薯条，份量够多，佐酒必备。甜品时间，叫咗Dirty tiramisu，用咗原条意式手指饼，质感湿润又有酒香。西班牙油炸鬼，外脆内软，洒咗糖霜可以蘸朱古力酱食。