影片
更多
2023-03-13
245 浏览
行过呢一间悄悄食堂已经好多次，次次都觉得呢间舖头好文青好日系好靓，但系都冇走到入去食，今次终于试到啦～不得不说呢一间悄悄食堂喺深水埗同太子交界嘅价位嚟讲真系算非常进取😂😂，一个lunch set要100头至100中嘅价钱，仲要唔包嘢饮，就即管睇吓抵唔抵啦：1. 麻药蛋麻婆豆腐饭（素）$118呢个一上枱就真系「哗」咗一声嘅🤣麻婆豆腐饭上面舖住一块超级巨大嘅天妇罗金针菇同埋一只个样非常讨好嘅糖心蛋🥚食落口先系非常之松脆嘅天妇罗，再嚟系充满蛋香味既蛋黄汁，最后系调味浓度啱啱好嘅麻婆豆腐饭，几样嘢加埋真系好有层次感，系几好食嘅！👩🏻💻8/10 2. 法式焦糖洋葱 味噌汁炖牛尾 $158个牛尾真系不得了，好香好香（未拎到上嚟已经闻到𠮶浸牛尾嘅香味🥹不过可能自己个味蕾未系好Advanced，唔系太食得出焦糖味同埋味噌味😂😂但系feel到个咸甜调味系好balanced嘅，佢个汁唔系好多水、水汪汪𠮶种，你feel到佢真系炆到最后一刻make sure个牛尾真系索晒啲汁先拎上嚟俾你嘅，但个汁嘅份量又啱啱好可以捞晒啲饭，唔错唔错～（其实就唔使担心呢样嘢，因为个店员就同我哋讲，无论系饭定系汁都可以无限加嘅
不得不说呢一间悄悄食堂喺深水埗同太子交界嘅价位嚟讲真系算非常进取😂😂，一个lunch set要100头至100中嘅价钱，仲要唔包嘢饮，就即管睇吓抵唔抵啦：
1. 麻药蛋麻婆豆腐饭（素）$118
呢个一上枱就真系「哗」咗一声嘅🤣麻婆豆腐饭上面舖住一块超级巨大嘅天妇罗金针菇同埋一只个样非常讨好嘅糖心蛋🥚食落口先系非常之松脆嘅天妇罗，再嚟系充满蛋香味既蛋黄汁，最后系调味浓度啱啱好嘅麻婆豆腐饭，几样嘢加埋真系好有层次感，系几好食嘅！
👩🏻💻8/10
2. 法式焦糖洋葱 味噌汁炖牛尾 $158
个牛尾真系不得了，好香好香（未拎到上嚟已经闻到𠮶浸牛尾嘅香味🥹不过可能自己个味蕾未系好Advanced，唔系太食得出焦糖味同埋味噌味😂😂但系feel到个咸甜调味系好balanced嘅，佢个汁唔系好多水、水汪汪𠮶种，你feel到佢真系炆到最后一刻make sure个牛尾真系索晒啲汁先拎上嚟俾你嘅，但个汁嘅份量又啱啱好可以捞晒啲饭，唔错唔错～（其实就唔使担心呢样嘢，因为个店员就同我哋讲，无论系饭定系汁都可以无限加嘅！）
👩🏻💻8/10
其实佢啲甜品个名都好吸引㗎 ！又有茉莉香片开心果塔又有纯素卷蛋糕，不过今次就冇试喇，因为个价钱要成七八十蚊同埋食完佢个lunch set都已经好饱😂😂😂😂
最后讲返佢抵唔抵，价钱系真系有啲贵嘅，但我会话个食物质素同个环境系对得住个价钱嘅（毕竟相信食过好多靓靓Cafe嘅你哋都遇上唔少伏，好多Cafe都系个舖头好靓，但系啲嘢食真系唔掂😶🌫️）。呢间feel到店家真系好用心去整每一份定食，喺舖头嘅设计上面亦花咗好多心思 — 佢有榻榻米区（但系记得要着袜去，如果冇着袜嘅话就净系可以坐吧枱或者平时普通嘅食饭枱）同埋好多文青和风嘅装饰，所以都系一个打卡嘅好地方嚟嘅。
张贴
