和居酒屋 (已結業)

同朋友系附近上堂，随便拣左一间日式餐厅黎试下，餐厅空间比较细，位置唔系好多，装修同一般嘅居酒屋一样。我同朋友两个人，最初觉得散叫价钱同叫一个套餐差唔多，所以当日就叫咗套餐B嚟试吓。套餐B最开初嘅时候会上四款鱼生刺身，3客寿司同埋麻酱沙律，刺身同寿司都算新鲜，味道都唔错。食到中间，会上银雪鱼西京烧、味㬝汤，明太子炒饭。然后刚刚炸好嘅天妇罗都会上埋，热辣辣。最后会有甜品一客，我哋当日嘅甜品就系红豆年糕。比较令人印象深刻嘅菜式系银雪鱼西京烧，咸咸甜甜嘅味道配上炒饭一流。仲有红豆年糕，年糕两面系整硬咗嘅，中间就系有口感嘅年糕，配红豆有少少甜，非常可口。令人失望嘅菜式系明太子炒饭，明太子分量过多，令到炒饭变得非常之咸，食第一啖嘅时候会觉得好味道，但食多几啖会因为太咸然后唔想再食落去。最后一盘炒饭只系食咗一半左右啫。总括而言，呢间居酒屋都有一般日式居酒屋嘅水准，但系套餐来讲，价钱偏贵，份量亦唔算多，可能散叫仲会平少少。