悄悄食堂

营业中

休息中

呢间都系间念念不忘嘅餐厅，因为会恒常转menu，而且会用啲特别啲嘅食材，所以间唔时就会想食下。酱渍兰王蛋盐曲烧牛小排丼饭想食牛小排丼饭的话，可以系book位嘅时候一早留定先。牛嘅份量几多，铺满成个饭面。用盐曲腌制嘅牛小排，肉质比平时软熟，食落口竟然唔会有过份嘅咸，而系保留到牛小排嘅味道。中间只兰王蛋酱渍过，质地系流心半凝固状态，捞饭一流。幽庵烧本湾懵仔鱼我记得之前有试过佢地嘅幽庵烧，意外地好食。今次选用嘅懵仔鱼系本土养殖，同样用呢个方法烹调，肉质保持到扎实嫩滑，鱼嘅油脂平均，但份量略少，因为太好食了。自家制GoldenRum焦糖忌廉芝士鸡蛋布丁因为加咗忌廉芝士，所以整体系扎实型布丁，口感比较丰满。而落咗golden rum酒，食落系大人口味嘅布丁。整体系一间间唔时想去食嘅餐厅，会期待佢嘅新Menu，新嘅食物配搭。今次因为生日去，撞正佢地嘅birthday promotion。