金泰子泰國餐廳 (已搬遷) 新店位置

呢间餐厅位置喺太子柏树街，都几隐蔽，一不小心好容易会错过，咁岩今日行过，见到好似几抵食，又入去试吓。食泰国嘢梗系要拣咖喱，但因为我同朋友都唔系好食辣，所以拣咗黄咖喱，另外唔想食猪牛羊，好彩呢度有软壳蟹拣！咖喱软壳蟹上台几靓，加埋少少装饰，更有泰国风味！黄咖喱果然唔太辣，点埋蒜蓉包，几时都咁夹！飞天通才——大大碟，炒得够镬气，泰式煮法，几时都系咁惹味！泰式鸡肉炒金边粉——又系大大碟，甜甜地，最钟意有啲花生喺侧边捞埋一齐食，又香口又有口感！呢度嘅午餐好抵食，几十蚊有炒面饭拣，加几蚊又有特饮，推介龙眼冰，饮完个喉咙舒服晒！