慢煮工業 (已結業)

呢间餐厅开咗好多年，一直未试过，趁之前happy friday去试试啦。餐厅装修都几用心，有啲工业风同埋成个氛围都几浪漫，枱面仲有几朵玫瑰。虽然餐厅以慢煮为主，但系嘢食都上得好快。尊享烤肉盛宴A (2人享用) $368成日都有选择困难症，有2人餐就好啦，唔使烦恼。烟三文鱼配鲜果醋酱沙律三文鱼摆到一朵花咁，好有心思，沙律菜份量都唔少，非常解腻。安格斯西冷牛扒慢煮嘅牛扒有个优点就系可以锁住肉汁，牛扒saucing好惹味。美式蜜糖芥末猪仔骨 (四件)猪仔骨肉质好滑，骨肉分离好容易就切开。芝士通心粉加咗黑松露本身已经好浓味，再加上芝士嘅浓稠，令到通心粉好挂汁，食到舔舔脷。士多啤梨伏特加酒味唔算好浓，士多啤梨酸酸甜甜容易入口。荔枝接骨木花特饮荔枝味好出，成杯饮品都好清香。