鍾爺爺海鮮火鍋刺身專門店

营业中

休息中

今日同朋友仔去太子食饭，平时火锅都会宁愿去任食嘅，因为单点好贵唔舍得去，不过呢间嘅价钱相对嚟计比较亲民，而且见食物卖相都唔错，所以决定试试佢。汤底要咗个鲜茄薯仔牛坑腩锅，呢间出面比较少见，有齐菜、主食同肉嘅配料。番茄酸甜，薯仔都有几块，反而牛坑腩份量最多，煮至软身，老少咸宜，估唔到几好味。见每枱都有碟响铃所以都叫咗份，原来系餐厅自己即叫即整嘅，上枱时热辣辣，超级脆身，记得要趁热食，旁边仲有个酸甜酱可以点，怀疑自己一个人都可以清晒。另外个香辣鱼皮都唔错，够薄身而且好入味。呢度仲有唔少炸物，可惜太饱无食到。肉肉有顺德鱼滑、鱼蛋同脆鲩片，份量好多，食落新鲜。菜都有唔少选择，整体感觉唔错。