餛飩仔媾餃子妹

营业中

休息中

前几个礼拜发现太子站对开新开坐一间肠粉店，所以揾左日经过去试试。支持一下新店开张。地方偏细，店内好似系得一排7-8个座位，应该系属于速食店，但菜单一d都唔系速食垃圾。肠粉皮非常薄而且弹牙，味道亦十分足够，基本上豉油都不过系自己落左几滴，相信其实唔落都OK。新店缘故，老板问要唔要五只唔同味试下，少有店铺可以咁mix，可能系刚开张一个月，所以比食客都试试。不过我似乎就食到有两粒似乎系一样既香菇肉饺。下次叫净味试清楚。水饺皮一样非常薄透，咬口似乎比一般汤饺结实，馅料唔会系水饺皮里面啷下啷下咁。猪肉饺偏结实，韭菜饺估计因为有菜所以个人觉得适中。整体上感觉唔同一般市面上既水饺。即磨豆浆非常新鲜，老板会问要唔要冷热沟，凉快得来唔会冻到brain freeze。值得一提系店铺主张健康，所以豆浆系无糖既，但可以自己加糖浆，我就加左少许，微甜搭配豆味好正。$48蚊套餐对于大食既我来讲，刚刚好满足我食少少当晚餐垫下个胃，之后去运动既需要。另外仲有d小菜例如拍青瓜之类，不过就唔影菜单。