影片
更多
2023-12-05
77 浏览
好耐冇嚟过丰信食饺子啦，原来而家门口仲多咗部自动取票机，比以前更加方便！不变嘅系丰信依旧人气十足，平日未到7pm门外已经大排人龙！好彩大部分都系买外卖，我哋大概等咗15min就有位啦！饺子款式好多，好多仲好特别，不过有几款已经一早售罄，可惜！拣咗双拼，可以一次过试多几款口味！咖喱椰菜鲜肉煎饺拼芝士粟米鲜肉煎饺($57/10只）饺子半煎炸至金黄香脆，卖相非常吸引！馅料好饱满，咖喱味香浓，非常香口！芝士粟米鲜肉煎饺系我嘅至爱，每次嚟都一定会encore！外皮脆卜卜，内里系软心嘅芝士，加埋粒粒粟米及啖啖鲜肉，口感丰富！韭菜鲜肉饺拼麻辣白菜鲜肉饺($52/10只）我钟意呢度嘅汤饺，其中一个主要原因就系汤底非常鲜甜！椰子海带鲜鸡猪骨浓汤底鲜香清甜，饮落有淡淡椰子香气，兼且无添加任何味精，可以放心饮晒成碗汤！汤饺子都好大只，皮薄馅靓，馅料实在又足料，食起来每啖都好满足！老公钟意食韭菜，呢度嘅韭菜鲜肉饺菜够多，味道浓郁！我钟意食麻辣白菜鲜肉饺多D，菜肉比例平衡，辣辣地好惹味，配椰子鸡汤又可以中和返！荠菜马蹄鲜肉饺拼香菇鲜肉饺($55/10只）荠菜马蹄鲜肉饺系新口味，添加咗马蹄，食落多咗爽口嘅口感！香
饺子款式好多，好多仲好特别，不过有几款已经一早售罄，可惜！拣咗双拼，可以一次过试多几款口味！
咖喱椰菜鲜肉煎饺拼芝士粟米鲜肉煎饺($57/10只）饺子半煎炸至金黄香脆，卖相非常吸引！馅料好饱满，咖喱味香浓，非常香口！芝士粟米鲜肉煎饺系我嘅至爱，每次嚟都一定会encore！外皮脆卜卜，内里系软心嘅芝士，加埋粒粒粟米及啖啖鲜肉，口感丰富！
韭菜鲜肉饺拼麻辣白菜鲜肉饺($52/10只）我钟意呢度嘅汤饺，其中一个主要原因就系汤底非常鲜甜！椰子海带鲜鸡猪骨浓汤底鲜香清甜，饮落有淡淡椰子香气，兼且无添加任何味精，可以放心饮晒成碗汤！汤饺子都好大只，皮薄馅靓，馅料实在又足料，食起来每啖都好满足！老公钟意食韭菜，呢度嘅韭菜鲜肉饺菜够多，味道浓郁！我钟意食麻辣白菜鲜肉饺多D，菜肉比例平衡，辣辣地好惹味，配椰子鸡汤又可以中和返！
荠菜马蹄鲜肉饺拼香菇鲜肉饺($55/10只）荠菜马蹄鲜肉饺系新口味，添加咗马蹄，食落多咗爽口嘅口感！香菇鲜肉饺都好有惊喜，菇味突出，健康之选！
柑桔蜜($10)菊花蜜($10)
张贴
