影片
更多
2022-09-25
1142 浏览
讲真之前真系俾佢个餐厅名吸引咗！@痴胶鸡 @crazychickenhk除咗个名好似成日闹人或俾人闹个句咁,睇真D原来佢地个招牌菜真系胶鸡,花胶 + 鸡🐔! 所有汤米线都会一窝🏟连炉上,一边滚♨️住个汤,一边可以食入面嘅汤料,等个汤唔会冻落来失原味,而面线会分开上,唔怕浸到淋哂 店家会按人头免费送上自家煲制嘅罗汉果菊花茶,好少餐厅会有罗汉果茶饮,呢度仲要送俾你之余,杯饮品一D都无马乎,坚有罗汉果味,清热消暑呀！ 🔮招牌痴花胶鸡浓汤米线 🐔 个汤底真系无得输,果然系招牌,自言不加味精,真材实料熬制而成,多口问店家,原来佢地个汤底系用咗鸡壳,鸡肉,猪骨,鲨鱼骨加埋自家秘方熬咗半日,汤头熬到变成奶白色,饮落口感浓郁而且有清甜嘅鲜鸡汤味,真系好正！个窝入面大概有5～6件鸡,同3件花胶,全部都系鸡脾肉,肉质嫩滑.花胶炆得好腍又入味,咁既价钱有咁多料,其实都几抵!👍 🔮药膳黄油鸡汤米线 🐔 同事E见个名咁养生所以就拣呢款,我饮咗佢头啖汤,em....应该都系果煲好好味嘅胶鸡汤做汤底然后再加红枣,枸杞,北旗,党参,再滚,药材味不算太浓,不过食落有种好保身既感觉,同事都赞个汤好饮,想食好嘢,心理&身理上
除咗个名好似成日闹人或俾人闹个句咁,睇真D原来佢地个招牌菜真系胶鸡,花胶 + 鸡🐔!
所有汤米线都会一窝🏟连炉上,一边滚♨️住个汤,一边可以食入面嘅汤料,等个汤唔会冻落来失原味,而面线会分开上,唔怕浸到淋哂
店家会按人头免费送上自家煲制嘅罗汉果菊花茶,好少餐厅会有罗汉果茶饮,呢度仲要送俾你之余,杯饮品一D都无马乎,坚有罗汉果味,清热消暑呀！
🔮招牌痴花胶鸡浓汤米线 🐔
个汤底真系无得输,果然系招牌,自言不加味精,真材实料熬制而成,多口问店家,原来佢地个汤底系用咗鸡壳,鸡肉,猪骨,鲨鱼骨加埋自家秘方熬咗半日,汤头熬到变成奶白色,饮落口感浓郁而且有清甜嘅鲜鸡汤味,真系好正！个窝入面大概有5～6件鸡,同3件花胶,全部都系鸡脾肉,肉质嫩滑.花胶炆得好腍又入味,咁既价钱有咁多料,其实都几抵!👍
🔮药膳黄油鸡汤米线 🐔
同事E见个名咁养生所以就拣呢款,我饮咗佢头啖汤,em....应该都系果煲好好味嘅胶鸡汤做汤底然后再加红枣,枸杞,北旗,党参,再滚,药材味不算太浓,不过食落有种好保身既感觉,同事都赞个汤好饮,想食好嘢,心理&身理上又想保吓身子嘅可以来试吓！
🔮椰子鸡米线🐔
宅男同事难得跟我地出来食lunch, 跟住姨姨去食嘢,哈哈,药膳养颜佢都唔care,所以佢拣椰子鸡来食。费时佢返到公司话我大虾细,所以我无贪试佢果窝,不话佢都有俾评语我. 椰子汤底真系用椰子来煲🥥,个窝有好多椰子肉,所以有椰香味又清甜,饮真D应该有落埋椰子水来煲个鸡汤咁,都好好味！而且鸡件分量都好多!男仔都食得饱！
🔮金砖豆腐
其实即系椒盐豆腐,外脆内软,有水准既小食
🔮椒盐粟米 🌽
咸咸地辣辣地嘅椒盐炒埋甜粟米,好惹味呀！而且小食来讲都几大碟,可推介呀！
招牌痴花胶鸡浓汤米线
$68
20 浏览
0 赞好
0 留言
椰子鸡米线
$58
18 浏览
0 赞好
0 留言
药膳黄油鸡汤米线
$60
23 浏览
0 赞好
0 留言
金砖豆腐
$28
36 浏览
0 赞好
0 留言
椒盐粟米
$28
41 浏览
0 赞好
0 留言
罗汉果茶
35 浏览
0 赞好
0 留言
题外话/补充资料：
绝对相信店家系画功了得既漫画家,墙上都系粉笔画成嘅漫画,同埋手稿,睇得明嘅人一定会会心微笑😜.店家好welcome客人食哂个面,打包埋个汤番屋企饮,唔好哂嘢！佢地可以免费提供埋外卖盒俾客人㖭！
(以上食记乃用户个人意见 , 并不代表OpenRice之观点。)
张贴
