K-Net Square (已搬遷) 新店位置

前日，一个grad咗几年嘅大学师兄突然Whatsapp我，话佢工作得好唔开心，就想约我出来倾下计，食下同饮下野。佢就系太子返工嘅，所以等埋佢放工之后就睇下太子个边有咩食。我地系太子道西附近行，转入大南街，见到有间铺头门口放咗好多牌，跟著我地好奇，就行过去睇下。原来间餐厅系一间酒吧，叫K-Net Square。我地就决定去试一下。呢间酒吧做紧一人Promotion Set Dinner，我同师兄就一人叫一个。是日餐汤系黑松露蘑菇汤，浓浓嘅黑松露味系口腔停留，加上蘑菇蓉，真系绝配！前菜系香煎厚切鹅肝多士，多士脆卜卜，配上肥美鹅肝，估唔到用平民价都可以食到高质鹅肝！跟著主菜我就叫咗菠菜蟹肉天使面，蟹肉份量唔少，仲有d菠菜蓉，食落有层次感，调味岩岩好，唔算咸，食到蟹肉嘅鲜味。要赞嘅仲有个天使面，个厨房将天使面煮到岩岩好，好爽口，d面一条条，唔会痴住一patpat。另外，我师兄个个黑安格斯肉眼牛扒，有成八安士，超级大块，切起上来又唔韧，加埋个烧汁，好好味。去酒吧又点少得饮下酒，我地两个都拣咗Strongbow Apple Cider，我地两个就系一个美好嘅夜晚吹咗三个钟头水XD呢间酒吧仲有其他野