LM Cafe (已結業)

熊大今日要去观塘买武术表演用的刀剑，放假好得闲的熊妹紧系乐意奉陪喇。熊大放完工黎一定好肚饿，熊妹一早拣定间餐厅带熊大医个肥肚腩。中海日升中心其实有好多餐厅，不过熊妹知《龙门冰室》抵食又好食，就试左呢间先喇。餐厅好大，员工都好多，4点几黎到，唔系好多大。下午茶时段紧系食下午茶餐喇。呢个三重滋味茶餐其实由11点开始供应，三款食物再包一杯饮品，$45，咁抵，一定要试下。以为茶餐包咁多野食，份量实好少。唔系㖞，瑞士鸡脾唔系bb脾，系原只鸡脾，煮得好淋，瑞士汁超入味，系坚好味。跟住有款主食，食惯米饭的熊大一定拣左咖哩牛腩饭，要饱肚。饭都好大碗，牛腩有4，5旧，不过唔系好大旧，都入味唔鞋，但汁就唔系好多，咖哩饭都系要捞汁食嘛。跟住仲有半件窝夫，拣左奶酱。简直心心眼，系厚实的窝夫绝无欺场！连炼奶花生酱无得输！包埋杯冻咖啡加2蚊，成个餐太抵了吧！熊妹的茶餐就点左流心芝腿西多加炸鸡脾，$27，冻柠茶加2蚊。西多典型做法，但配芝腿饀真系好少食。芝腿咸咸地同西多本身点蜜糖的甜甜配合，几特别。见瑞士鸡脾咁出色咪试埋个炸脾啰。炸脾就反而逊色少少，放多少少椒盐炸会比较有味啲，都系瑞士鸡脾胜出。优闲下午茶食到饱饱的