口甜舌滑 (已結業)

今日突然间想食甜品就用左UberEat送嚟屋企食。首先就系小朋友期待已久嘅芒果布丁啦。一见到就觉得唔对路，点解个布丁唔系黄色嘅，反而系透明白色，好似大菜糕咁嘅样。唔同搞错左？但系冇理由两碗都有错姐！我个仔食左两啖之后就话唔要，但系平时嘅芒果布丁系食唔停手架，咁我就知就一定有问题啦！我自己都食左一啖，冇咩味，一粒芒果都冇，质感怪怪地，一啲都唔似系芒果布丁啰！连平时嘅Jelly都好味过佢好多！仲搞到小朋友好失望添！讲起榴莲糯米糍就激气啦！食落去有啲酸味，我以为系我味觉有问题！食第二粒𠮶时就知唔系我嘅问题，系真系好似变坏左咁嘅味，连朋友都系咁讲，难食到呢！最正常就系个杏仁糊啦，甜甜地都算几好啦，都似系真系自己磨𠮶啲咁！结论系一定唔会再嚟！p.s. 我向UberEat投诉，佢地比返$20 coupon我呀。