生記粉麵

营业中

休息中

荃湾有柯打，顺便到生记队返碗面、生记即系以前雄记、以孖润肠春卷驰名、仲记得旧铺光荣结业时候出现蛇饼人龙，可惜质素大不如前，个人食咗三条孖润肠春卷，俾足三次机会、口感过实、没有鱼肉香、啪条春卷落口就好似上咗架破冰船去南北极一样冻冰冰，睇到呢度可能大家都会觉得浸汤咪得啰，但系如果浸汤的话表皮便会淋哂, 仲记得旧铺时候个人奥运纪录系八条，食完真系变咗东成西就嘅梁朝伟「笑」所谓自制墨鱼丸、贡丸大小一样、泰国人化妆通病「厚粉」、「活生生一个黑人顿时块面变咗Michael Jackson 白面人」、讲到咁白，大家都知道好唔好食啦其实佢真系有自制嘅，就系腐乳通菜嘅自家调制腐乳酱汁，颜色「黄咁咁」、好似小朋友热气𠮶督黄色童子尿一样、配合大量嘅糖，真系敬而远之唯一好处系碗云南米线热辣辣、呢度加分，猪肚丝略嫌刀工过于幼细、完全食唔到猪肚味，唔知道会唔会「快到手切损手呢？」路经怀缅一下系可以嘅，特登去的话喂可能会失望而回