樂茶軒 (香港公園)

营业中

休息中

去香港公园经常路过呢间茶艺馆，但无入过去，今次第一次帮衬，但令人极度失望！原来呢间系食斋，要入去睇餐牌才知，所有点心都系斋，本来无问题，只要煑得好食就得，好多斋舖都好好味，呢间茶艺馆可能只顾人客去品尝茶，所以所有点心都淡而无味，完全唔好食！茶有好多种味比客人拣，拣了普洱，但都分好多只，分别每人叫一款，一款80几，一款40几，两款都好苦涩，尤其是𠮶只2013年陈皮普洱，陈皮盖过茶味，好似饮陈皮水😖！豆苗云吞，全无豆苗香味，鲜露笋虾饺，食斋当然无虾，食落去只系觉得食紧一旧粉，素丝炒面，从未食过咁难食嘅炒面，豪无味道，好似食草，麻酱肠粉，无甜酱无花生酱味，都唔知食咗乜嘢酱，一啲味都无！所谓嘅蜜汁烧饼，无味一劈好粘嘅粉，食落去浆住咗个口，好难食，唯一姜汁糕有啲味道，算唔错！菜馆内好多外国人，我相信啲外国人都唔知啲中国点心唔系咁嘅味。所有食物份量好少，我唔会再去呢间茶艺馆！