讚好台灣

营业中

休息中

朋友是出了名的为食兔，成日都会介绍我食好嘢，不过地胆都有失手嘅时候。朋友以前一向都食开呢间赞好台湾，不过近几个月少去𠮶边都有一排冇食过。上星期我同佢咁啱去开附近，佢就提议不如食呢间。入到去啱啱有位，又系下午茶时间，于是我就嗌咗个tea set，朋友有事要行开吓话返嚟先嗌，我惟有喺冇推荐之下自己拣。我拣咗最正路嘅麻酱干面，配台式香肠、甘梅脆薯同盐酥鸡，饮品就拣咗柠檬绿茶。麻酱干面劲咸，面亦偏腍，至于个甘梅脆薯则又冻又韧，皆因个外皮太厚。盐酥鸡系好食嘅，唔会太干，香肠则正常。而个柠檬绿茶则劲涩，作为一间专卖台式食品嘅店舖，基本上系完全唔合格。朋友后嗌order咗担担面配小香肠、木鱼炸豆腐同椒麻牛肚丝。佢个面同我一样都好腍，不过佢冇硬食，而系直接同侍应讲同平时比差好远，想换过，结果佢转咗卤肉饭。个木鱼炸豆腐好食，炸浆够薄仅仅包住滑豆腐，而牛肚丝则够腍，但味道一般。整体而言我系偏失望嘅，可能之前期望太高，朋友则话喺疫情𠮶段时间其实佢哋水准系keep得好好嘅，不过疫情后反而差咗。