桂林米粉

营业中

休息中

见到呢间叫「桂林米粉」嘅舖，突然谂起细个𠮶时妈咪带我去过桂林食正宗米粉，简单一碗米粉配炸菜，已经好好食，系米粉本身质地问题，好易入味！今晚决定寻找呢种味道，就入咗去，入去前我仲问老板娘「系咪正宗桂林米粉？」佢就话放心「系！」我同我老公分别叫咗牛腩米粉及水饺米粉，牛腩𠮶碗加咗豆卜，碗粉嚟到有阵酸味，原来系酸菜味，点解要加酸菜呢？唔明，又唔系食四川嘢！牛腩切得好细粒，完全唔似牛腩𠮶种口感，不如叫呢啲做牛腩粒好啲。咬啲牛腩有酸味嘅？好怪呀！我以为变酸，好明显系啲酸菜盖过牛腩嘅本身味道！至于水饺呢？味道似湾仔码头水饺咁嘅？！唔好食！最嬲系个米粉呀！似米线多过米粉啰！嬲呀！咁都要呃嘅！呢间舖系有转米线、河粉、面！但我系叫米粉啰！最后俾钱时，我问老板「真系桂林米粉？」佢话系！食完呢一次，我系唔会再食。如果要食酸辣米线，我不如去乜哥米线食，好食好多！味道起码唔会奇奇怪怪先啦