Ms B's Cakery (已結業)

以前见客，帮衬过两次Sevva, lunch 的食物质素唔错。果两次当然有食蛋糕，味道难忘！自从唔洗过海返工见客，就少左机会食好野，难得寻日出去上环training, 老公又正日生日，一心念住去Ms B订一个比老公又唔提早订，好彩去到都仲有现成蛋糕，好开心咁买左个Madam Butterfly 返屋企。晚饭过后，打开个盒两个小朋友都好兴奋，当我搬个蛋糕出来时，发现个生日牌竟然贴系胶圈外面（上下套两个胶圈），都唔紧要，我自己拆好再贴上蛋糕外。一分蛋糕，就支离破碎.... 三层蛋糕同我玩分体，唔紧要，因为我知B小姐的蛋糕标榜健康，所以唔用cream 来接驳蛋糕层挂... 但今朝上来睇咁多位既食评就会明原来唔只我一个系咁，到上返佢地网站再睇多次个蛋糕既介绍，你会发现参考图片既每一层都有Apricot jam/ compote😵 咁我系咪中伏呢？定系师傅偷工减料？真系见仁见智。味道其实可以，因为唔太甜同漏，我好欣赏最上面既黄桃酱，蛋糕中心有忌廉混水果肉，听住，系中心，唔系夹层。最底层系我两个小朋友唯一话好味既脆脆饼底。我从来唔写食评，因为觉得食物既口味好个人，今次真系失望到顶点所以想同大家分享