影片
更多
2017-01-19
1390 浏览
今日同屋企人出完去西贡郊游之后，出返市区，个天已经开始黑，喺返屋企之前，谂住喺市中心食个晚饭，先至返屋企。我哋转左入呢一条食街，见到有好多间餐厅，又突然间好想食海南鸡饭，行到去街嘅差唔多尽头嘅位置，见到呢间以海南鸡作为招牌嘅餐厅，满心期望地试一试佢有几好食。餐厅内嘅枱数量唔多，大概有五至六张枱左右，当晚，店内嘅位置全部坐满，系店外亦都开咗几张枱，招呼多出嚟嘅客人。店员大概有三个左右，似系家庭式嘅店，但要同时应付大约20个客人，个人觉得安排有啲差，因为佢哋完全无派飞比等位嘅客人，我哋叫完嘢食，亦都冇一张单俾我哋，完全冇记认，叫咗嘢食之后，等咗大概10几20分钟先至有一碟饭到。睇返嘢食先，我哋太颈渴，所以未影就饮咗半碗汤，呢个系南瓜汤，有啲惊喜嘅，因为南瓜肉都几多，好足料下，味道亦都几清甜！黎到海南鸡专门店，当然要试一试个海南鸡啦！相信叫得海南鸡专门店，味道同质素都唔会差得去边，但正正就系抱住呢个期望，第一眼睇佢个卖相，就觉得普通到不得了，本人都食过好几间海南鸡饭，呢间算系最差。调味亦都麻麻地，突出唔到鸡嘅鲜味。真系唔好意思，味道差得我一定要比劣评，我哋冇加＄10转脾，可能因为咁，有大约三
我哋转左入呢一条食街，见到有好多间餐厅，又突然间好想食海南鸡饭，行到去街嘅差唔多尽头嘅位置，见到呢间以海南鸡作为招牌嘅餐厅，满心期望地试一试佢有几好食。
餐厅内嘅枱数量唔多，大概有五至六张枱左右，当晚，店内嘅位置全部坐满，系店外亦都开咗几张枱，招呼多出嚟嘅客人。
店员大概有三个左右，似系家庭式嘅店，但要同时应付大约20个客人，个人觉得安排有啲差，因为佢哋完全无派飞比等位嘅客人，我哋叫完嘢食，亦都冇一张单俾我哋，完全冇记认，叫咗嘢食之后，等咗大概10几20分钟先至有一碟饭到。
睇返嘢食先，我哋太颈渴，所以未影就饮咗半碗汤，呢个系南瓜汤，有啲惊喜嘅，因为南瓜肉都几多，好足料下，味道亦都几清甜！
南瓜汤
19 浏览
0 赞好
0 留言
海南鸡配油饭
$49
34 浏览
1 赞好
0 留言
调味
26 浏览
0 赞好
0 留言
成餐饭比较好食嘅反而系呢个，香煎手剁咸鱼蓉肉饼饭，佢外皮煎得几香脆，外皮既感觉好似将啲咸鱼铺喺面咁样，几特别！
香煎手剁咸鱼蓉肉饼饭
$49
50 浏览
0 赞好
0 留言
其中一个跟餐叫咗嘢饮，叫咗冻华田，谂住咁普通嘅嘢一定无死啦，点知一饮落去，味道极淡，好似沟左好多水咁样，失望！
冻华田
$5
35 浏览
0 赞好
0 留言
钟意食海南鸡既你，相信仲有好多间其他嘅可以好好选择，而且坐得仲舒服好多。
张贴
