麺処一家 (已結業)

来到尖沙咀，顺路探下好耐无见既老朋友面处一家。午饭时间入到去发现得一枱，个心有啲惊吓，即刻叫左碗浓厚豚骨鱼介酱油拉面，火炙猪腩肉加慢煮猪肩肉。碗面来到，个汤感觉好薄，饮一口真系印证左，豚骨味欠奉，鱼介失左踪，酱油就只有咸味，真系失望。然后面质味道普通，不过不失，配上咁淡身既汤，真系净食面仲好。由于汤底太弱，生洋葱既辣味完全盖过一切，而配菜方面，猪肩肉略柴口，外皮黑胡椒太强烈，食完猪肉个汤更显得虚无，火炙猪腩肉太瘦，虽有香味但好干身。唯一可取之处系糖沁蛋，淡淡酱油香且蛋黄流心，成碗面最好食，不过要加10蚊先有。睇嚟今次要同老朋友绝交了，伤心难过。