影片
更多
2025-02-17
0 浏览
于网上平台买了极品海胆和牛龙虾十道铁板烧（午市及晚市适用），31/01/2025，18:00二人享用。1. 入座后未坐定已急上前菜并介绍，完全听唔切菜式。2. 场面非常混乱，坐bar枱的客人都是预约18:00时段，但职员不断表示因为所有客人都系同一时间嚟，所以会有混乱(稍后听到bar枱客人都系预约同一套餐，谂返即全场都系做预约客人，唔系一早知该时段大概有几多人数？)3. 同一套餐，但有啲客人无前菜，有啲客人菜式次序调转或同时间上晒两度菜，十分混乱。4. 已煮好晒龙虾一碟碟放晒系度，两个中年侍应本来仲吹紧水，要厨师出到声，先识上菜。5. 有几道菜式有向客人介绍，但有几道菜式就咁放低就离开，令人一头雾水。6. 预先打电话问左如果生日，甜品可否写生日快乐，职员表示WhatsApp讲返预约号码及send想写既字就可以，照做左并收到回覆确认。到上甜品时，见到已溶一半的雪葩并无照原订好既写生日快乐，但隔离两枱客人的甜品都有写字及蜡烛。向职员低调反映，佢表示：”我哋冇收到message㖞！”另一位中年厨师大声表示：”唔紧要！我哋Miss咗，依家整返俾你啰！我哋冇问题㗎㖞？”原本有一刻考虑想麻烦补写，
1. 入座后未坐定已急上前菜并介绍，完全听唔切菜式。
2. 场面非常混乱，坐bar枱的客人都是预约18:00时段，但职员不断表示因为所有客人都系同一时间嚟，所以会有混乱(稍后听到bar枱客人都系预约同一套餐，谂返即全场都系做预约客人，唔系一早知该时段大概有几多人数？)
3. 同一套餐，但有啲客人无前菜，有啲客人菜式次序调转或同时间上晒两度菜，十分混乱。
4. 已煮好晒龙虾一碟碟放晒系度，两个中年侍应本来仲吹紧水，要厨师出到声，先识上菜。
5. 有几道菜式有向客人介绍，但有几道菜式就咁放低就离开，令人一头雾水。
6. 预先打电话问左如果生日，甜品可否写生日快乐，职员表示WhatsApp讲返预约号码及send想写既字就可以，照做左并收到回覆确认。
到上甜品时，见到已溶一半的雪葩并无照原订好既写生日快乐，但隔离两枱客人的甜品都有写字及蜡烛。
向职员低调反映，佢表示：”我哋冇收到message㖞！”
另一位中年厨师大声表示：”唔紧要！我哋Miss咗，依家整返俾你啰！我哋冇问题㗎㖞？”
原本有一刻考虑想麻烦补写，但因厨师声量较大及其态度，令我感到非常尴尬，唔想再纠缠，我表示唔需要，中年厨师同一声线并自以为有趣继续表示：”唔紧要㗎！听你讲～听你讲唔使，但系我哋唔会因为咁，而收到个负评挂！？哈哈～”
另一位职员上前表示：系啰，我唔想一接手就收到负评啊哈哈！
我微笑并沉默望住佢哋及后结帐离开。
原本冇特别后续想写任何评论，但见到职员同厨师全晚嘅表现同回应，令我有非常失望的体验，所以大家可以考虑一下先决定去唔去呢间餐厅。
张贴