The French Table (已搬遷) 新店位置

可能睇见大家比既食评都比较正面﹐所以对呢间餐厅既期望高左。而因为咁﹐我觉得好失望。简单既装修﹐开放式厨房﹐用上暖色调同埋暗既灯光作配搭﹐比人感觉几浪漫 。适合情侣或者两公婆过special day。但遇著家庭客或朋友聚会都会几吵闹。店入面只得一位小厨师﹐年纪轻轻﹐我相信应该唔系负责人挂~~如果以新手黎讲﹐食物都算系不过不失。但餐厅或私房菜既话﹐我会有更高既期望。所以我唯一可以比呢位小厨师既意见系「你D厨艺真系要再加把劲」。头盘鹅肝配红桑子汁 (无相片) - 虽然鹅肝外脆内软﹐但油太多 (比红桑子汁还要多)。白汁鹅肝云吞 - 味道一般﹐汁好稀。龙虾汤 - 煮太耐同埋调味料唔够﹐饮落口比较涩 (如果可以加多少少cream可能会好d)。主菜澳洲和牛面珠肉 - 有少少失望﹐感觉好似煮好左再用焗炉返热﹐肉质好干。但薯容好好味。美国黑毛猪 - 无黑毛猪既味道。甜品苹果批- 苹果太干﹐食落口好似分开食紧个酥皮同苹果 (唔可以溶为一体)。法式焦糖炖蛋 - 太多糖系表面同埋太多香草籽﹐食唔到有蛋味。