KidsKiss Kingdom親子餐廳 (已結業)

知道呢度告急，专登约朋友两大两细去支持下。下午去到都无乜人，企咗五分钟，cashier𠮶位染发短发女士，明明见到我哋，我哋都好有礼貌打招呼话四位想食嘢，但系佢都系无视我哋。我哋等咗一阵间，忍唔住讲我哋想食嘢。入面有另一位女职员行出行入都系无视我哋。其实做亲子餐厅，呢啲态度真系要留意下，好赶客。不过算数，都一塲嚟到！再等多阵，终于位短头发职员肯带我哋入去，态度仍然晦气。😅原来入面无客㗎，我仲以为佢哋好忙小朋友叫儿童餐，正常，佢哋无话好食定唔好食，只系问几时开返play area有得玩呀？我哋大人叫咗Norwegian submarine 同beef burger。Submarine个croissant 叫做OK，唔叫好食，smoked salmon系无鱼味嘅三文鱼。Beef burger真系唔叫好食，patty好干又唔香肉味。咁楼上食burger 间burger shop就好食好多。 个地方其实唔大，楼底又唔高，好多玩具放出嚟其实都几逼。本来谂住开返嚟呢度玩同搅聚会，但系经历今日职员态度同食物质素，应该唔会尊登再嚟了。