天園餃子

营业中

休息中

见呢间饺子评价不错，所以去试吓。用QR Code落单，叫左椰菜猪肉粟米汤饺、韭菜猪肉煎饺，加小食白灼菜心、鸡丝粉皮同麻辣酱鸡卷，价钱相宜。小食同汤饺好快送上，汤饺汤底较淡，但饺子味道不错，鸡丝粉皮惹味同够冻，鸡卷调味一般，辣味比咸味重，本身鸡卷无咩调味，要点酱先有味。食完汤饺同小食，煎饺仍未到，距离落单时间已过20分钟。虽然都知煎较一般需时较耐，但怕漏单都问下店员，店员亦称煎饺需时较耐，但无向厨房查询是否漏单。再过多10分钟，煎饺仍未送上，望望附近周边又真系无人叫煎饺，再问多次店员，佢先肯问厨房，但无回应我哋是否漏单，再过多阵见到有店员送煎饺去其他枱，我哋既煎饺都终于送上，即系叫煎饺需时至少30分钟以上。煎饺虽然够热，但十分油腻，成只碟都沾上油迹，饺子皮好厚，而且煎得比较浓。整体黎讲，对呢间餐厅既食物质素同服务都系失望，可能只系我唔好彩啦，但同区都有其他更好味既饺子，所以唔会再帮衬。