Kind Kitchen (已結業)

Green Monday 谂支持下食素，隐约记得上环有间西式素食，一放工就过去。去到发现想食的餐厅已结业，旁边的Green Common就扩展开了Kind Kitchen。之前都试过未来汉堡，味道都唔错，见佢又系西式素食，就入去坐低。以晚饭时间来说，人流唔算多，都坐得舒服。不过服务就一般，侍应都围埋倾计，未算周到。打开menu，有好多招牌素肉。越南越爱𠮶名够gimmick, 实为素牛肉越式汤河。先闻一下，香味不浓郁，反而有好浓的金边粉味。再尝一口汤，味道偏淡，有少少香茅味，姜味唔突出。素牛肉的确令我失望，以未来汉堡起家来说，素牛肉完全不成气候，味道上只像卤过的面筋。成碗面最后要靠条辣椒先叫食得落口。菇菇意大利饭份量非常细，可以用少得可怜嚟形容。上碟时都不太热。味道偏淡。成个饭只有一只大啡菇，尚算juicy。意大利饭来说亦不算creamy。蕃茄串鲍菇比较清新的小食。先将鲍菇切至薄身，包住车厘茄后再煎香。车厘茄嘅juicy加埋煎香左嘅鲍菇，令口感同味道倍增。总括而言，以高价位西式素食来说，食物味道同服务都有点令人失望。