影片
更多
2016-07-23
2752 浏览
假日同肥髀在赤柱闲逛，呢间西餐厅地点唔显腿，一向都想试，今日去到门口，见啲食物ok,又有儿童餐，入去已经爆场，8成系外国人！地方细，楼底唔高，桌椅几迫，所以几嘈杂，欧式装修，花布梳化籐椅，昏黄灯光，偏向悠闲感觉，店员叫我等一下，5分钟后比到靠墙2人枱我，先上杯有柠檬味嘅冻水！食物要耐心等待！面包：用中式竹笼上，两件白法包，两件麦法包，外脆内软！好味！店员仲问使唔使添加！墨西哥南瓜蘑菇山羊芝士香肠薄饼（$120）卖相几靓，薄饼干身有咬口，中间嘅馅料切得大块，南瓜香甜有咬口，蘑菇爽口，香肠片浓味比较韧！有𡁻口！好似食猪肉干，羊奶芝士比较浓味！捞咗微辣嘅调味料！惹味！拌碟油醋汁沙律酸酸的开胃！儿童餐火腿奄列加薯条（$55）奄列卖相好差，㶶晒又唔系半月形，岩岩参参咁，入面完全无蛋汁，蛋有㶶味，入面火腿好干，唔合格！薯条新鲜炸起好热，外脆内软，粗身薯味浓好味！浓朱古力蛋糕配呍呢嗱雪榚（$60）朱古力蛋榚好浓，带甘味，呍呢嗱雪榚有呍呢嗱籽，好香滑，好浓牛奶味冻柠茶（$29）茶底唔浓，味道清爽！最紧要够冻咖啡（$32）House Coffee,味道好浓，热气一谷出来，咖啡味好浓！配埋有两块小曲奇，松
今日去到门口，见啲食物ok,又有儿童餐，入去已经爆场，8成系外国人！地方细，楼底唔高，桌椅几迫，所以几嘈杂，欧式装修，花布梳化籐椅，
昏黄灯光，偏向悠闲感觉，店员叫我等一下，5分钟后比到靠墙2人枱我，先上杯有柠檬味嘅冻水！食物要耐心等待！
面包：用中式竹笼上，两件白法包，两件麦法包，外脆内软！好味！店员仲问使唔使添加！
墨西哥南瓜蘑菇山羊芝士香肠薄饼（$120）卖相几靓，薄饼干身有咬口，中间嘅馅料切得大块，南瓜香甜有咬口，蘑菇爽口，香肠片浓味比较韧！有𡁻口！好似食猪肉干，羊奶芝士比较浓味！捞咗微辣嘅调味料！惹味！拌碟油醋汁沙律酸酸的开胃！儿童餐
火腿奄列加薯条（$55）奄列卖相好差，㶶晒又唔系半月形，岩岩参参咁，入面完全无蛋汁，蛋有㶶味，入面火腿好干，唔合格！薯条新鲜炸起好热，外脆内软，粗身薯味浓好味！
浓朱古力蛋糕配呍呢嗱雪榚（$60）朱古力蛋榚好浓，带甘味，呍呢嗱雪榚有呍呢嗱籽，好香滑，好浓牛奶味
冻柠茶（$29）茶底唔浓，味道清爽！最紧要够冻
咖啡（$32）House Coffee,味道好浓，热气一谷出来，咖啡味好浓！配埋有两块小曲奇，松脆兼牛油味几香，好味！店员好忙，有礼有笑容，尤其一个四眼肥叔叔！出入都会同客人打招呼！
加一$325.6
厨房嘅奄列要改善！
张贴
