影片
更多
2023-07-12
974 浏览
奇华茶室，绝对唔会再食 喺附近返工，谂住揾间宽敞啲嘅餐厅同朋友食饭，当我到达时，有员工指示我去冇人既位置坐低，我就同朋友讲已经有位，可以过嚟食饭。坐咗一阵，另一个员工态度恶劣指责我话我插队，要求我离开座位并重新排队。个下真系呆咗，系你哋员工叫我过嚟呢个位坐而家话我打尖？佢仲话啱啱已经问咗我系咪有人叫我入嚟坐，我头先话系，系因为真系有人叫我入去坐。我问佢而家点样解决，我已经叫咗朋友过嚟，佢就好大声继续闹我，话而家冇办法㗎喇返去排队啦。当我继续解释话啱啱系有员工指示我过嚟，其实叫我排队冇问题，但讲到我系打尖咁嘅样，佢仲要话，咁佢新来㗎嘛，咩都唔识，你快啲返去排队啦，之后仲走咗去。呢位员工既态度、沟通方式真系令人大开眼界。各位，我真心建议，如果有得拣，就选择其他更好的选择
喺附近返工，谂住揾间宽敞啲嘅餐厅同朋友食饭，当我到达时，有员工指示我去冇人既位置坐低，我就同朋友讲已经有位，可以过嚟食饭。
坐咗一阵，另一个员工态度恶劣指责我话我插队，要求我离开座位并重新排队。个下真系呆咗，系你哋员工叫我过嚟呢个位坐而家话我打尖？
佢仲话啱啱已经问咗我系咪有人叫我入嚟坐，我头先话系，系因为真系有人叫我入去坐。我问佢而家点样解决，我已经叫咗朋友过嚟，佢就好大声继续闹我，话而家冇办法㗎喇返去排队啦。
当我继续解释话啱啱系有员工指示我过嚟，其实叫我排队冇问题，但讲到我系打尖咁嘅样，佢仲要话，咁佢新来㗎嘛，咩都唔识，你快啲返去排队啦，之后仲走咗去。呢位员工既态度、沟通方式真系令人大开眼界。
各位，我真心建议，如果有得拣，就选择其他更好的选择
张贴