影片
更多
2014-09-04
2761 浏览
黎秋田食饭我较钟意坐寿司吧，可以睇到师传既手艺，又可以见到好多 menu 上面无既时令鲜鱼呢 ﹗好多海鱼既名都未听过，宫崎石鲷、相马皮剥鱼、宫崎岛池鱼、胜浦金目鲷。最左边既鲂𫚒鱼，好似六角形咁架，记得系某套讲寿司师父既日剧见过呢，但暂时未有机会试试系咩味道。跟住既系真明圣同系撚鲷都未食过，亦从未听过啰。一小部份既铁板烧价目表，终有一日我要试 HKD1680 既 16 安士霜降神牛架 ﹗食左咁多次铁板烧后，发觉唔系款款都啱口味，都系钟意食刺生多啲。依家大多都系主要食刺生、寿司，另外再叫一两款铁板烧食。师傅送既前菜小吃，鲜淮山、酸乔头、酸萝卜、带子裙边，多谢晒，好好既开胃菜。蟹膏豆腐，用蟹膏跟黄豆做成既豆腐，清香既蟹膏味加上滑豆腐，配埋清甜青瓜同鳕鱼籽，好好味 ﹗机乎每次都会 order，推介 ﹗富士苹果鳕鱼籽沙律，富士苹果丝跟青瓜丝捞埋一齐食，清甜爽口又多汁，配上沙律酱同蟹籽好醒胃 ﹗刺生并盘松，龙虾、极上吞拿鱼腩、珍宝带子、池鱼、油甘鱼、𫠒红鱼，全部极上食材，边有得输呀 ﹗超美味啦 ﹗布置近乎艺术品般 ﹗活龙虾刺生，晶莹通透既龙虾肉，清甜无比，口感滑而弹弹的，想成条自己食晒添呀 ﹗哈哈
一小部份既铁板烧价目表，终有一日我要试 HKD1680 既 16 安士霜降神牛架 ﹗食左咁多次铁板烧后，发觉唔系款款都啱口味，都系钟意食刺生多啲。依家大多都系主要食刺生、寿司，另外再叫一两款铁板烧食。
师傅送既前菜小吃，鲜淮山、酸乔头、酸萝卜、带子裙边，多谢晒，好好既开胃菜。蟹膏豆腐，用蟹膏跟黄豆做成既豆腐，清香既蟹膏味加上滑豆腐，配埋清甜青瓜同鳕鱼籽，好好味 ﹗机乎每次都会 order，推介 ﹗富士苹果鳕鱼籽沙律，富士苹果丝跟青瓜丝捞埋一齐食，清甜爽口又多汁，配上沙律酱同蟹籽好醒胃 ﹗
刺生并盘松，龙虾、极上吞拿鱼腩、珍宝带子、池鱼、油甘鱼、𫠒红鱼，全部极上食材，边有得输呀 ﹗超美味啦 ﹗布置近乎艺术品般 ﹗活龙虾刺生，晶莹通透既龙虾肉，清甜无比，口感滑而弹弹的，想成条自己食晒添呀 ﹗哈哈 ﹗极上吞拿鱼腩，就系依只粉红色喇 ﹗鱼油最丰富、最肥美既部份 ﹗甜到不得了，入口即溶唔洗赵，极香极滑，顶级质数 ﹗珍宝带子，好少话唔好食 ﹗天然既香甜味道，棉棉滑滑送入口，余香非常。池鱼刺生，虽然味道偏浅，但肉质咽韧弹牙有赵口。油甘鱼刺生，我的最爱 ﹗鱼油澎湃，鱼味浓浓的，质感又滑又棉。𫠒红鱼刺生，口感跟池鱼差不多，只系腍少少，而甜少少。成个并盘质数超水准，无得弹 ﹗
一个刺生并盘点可能满足到我呢 ﹗再黎 ﹗佐贺牛刺生、象拔蚌、活赤贝、牡丹虾，第二件艺术品同样出色，好靓啊 ﹗佐贺牛就咁食会有点淡口，但配上酸酸甜甜既秘制酱汁，牛味非常突出，脂肪香甜味美，质感软棉棉，食唔停口，正呀 ﹗原只象拔蚌刺生，切成条状口感特别爽口，湿润又黏黏的，味道超级鲜甜 ﹗原只活赤贝刺生，跟普通赤贝完全两回事，即开即食枥度新鲜，香甜滑溜而边位爽脆，梗系好食啦 ﹗特大牡丹虾真系好巨形，非常新鲜，质感爽而带黏性，鲜味无穷 ﹗虾头同样巨形，注满虾膏非常甘香呀 ﹗全部满分 ﹗
海胆寿司，哗 ﹗顶级马粪海胆满到泻呀，唔会孤孤寒寒，劲足料 ﹗好澎湃呢 ﹗成旧一啖啪入口，紫菜香脆、海胆鲜甜甘香充满整个口腔 ﹗回味再回味呀 ﹗寿司饭软硬适中又干爽，饭粒咽韧饱满，size 刚刚好 ﹗有饭香，只系略为酸左少少。
渍物萤光鱿鱼，上次食过十分鲜甜肥美又多汁，爽口弹牙，非常回味，不过今次有点失手㖞。腌得过左火，味道太浓而略咸，跟青瓜同吃还免强顶得住，可以减低一点咸味，还可以啦。颜色稍深，肉质有点塌，唔够霆，新鲜度似乎差一点点。
龙虾面豉汤，将刚才做刺生剩低既龙虾头滚个靓汤 ﹗头、钳、脚仍有少许龙虾肉非常爽甜，梗系食埋去啦 ﹗龙虾壳不硬，腍腍地，一咬就开。如果做铁板烧会将所有虾头内既膏取出做汁，但今次系做刺生，所以虾膏仍然保留著一齐煲汤，所以味道特别甘香浓郁，好正呀 ﹗面豉汤香浓带海鲜味，但要趁热饮呀，冻左会有点咸呢。
香煎牛油银鳕鱼，我食饭好钟意 1 part part 分开，有条理地慢慢叹。由头盘前菜、小食、刺生、寿司，食到最后铁板烧喇 ﹗银鳕鱼切得薄左少少，厚一点更能锁住肉汁。煎得好香口带淡淡牛油味道，肉质嫩滑又多汁，好味道，转眼食晒喇 ﹗
A5 松阪牛扒 5 成熟，一坐低已不停地考虑食唔食千七蚊块既 A5 霜降神牛架喇 ﹗食我最舍得，但最后都系拣左次一级既松阪牛七百蚊，终有一日我会黎试您既神牛架，一定 ﹗日本牛既牛味比美国同澳洲为淡一点，但质感就非常滑溜软棉棉又肥美。每次食铁板烧都感到调味太多，有点腻，下次试下要求只落盐同胡椒先。A5 松阪牛扒跟即炸蒜片同食，好香口 ﹗一边脆一边软棉，口感特别。牛扒棉滑多汁，Good ﹗
幻之真珠 ﹗食饱饱预备埋单之际，店长主厨特然推介生栗米，起初以为要比钱，原来请我地试食，当然要试啦 ﹗雪冻左，冰冰凉凉味道超甜，味道同质感都好似马蒂呀 ﹗但甜味更香更浓 ﹗我心谂系白玉超甜生栗米，询问下，师父称之为幻之真珠，menu 见到都唔知系咩啦 ﹗做甜品都可以。
张贴
