賀喜 (美孚新邨) (已結業)

同一位热爱日本料理既朋友黎到贺喜食晚餐，不过当然系依位朋友带黎依到食喇xp好少黎美孚既我都对今次餐厅感到惊喜～ 环境唔算好大，位置之间会较挤迫，装横摆设较新颖，缺少左几分日本料理店既风味呢～ 除左散嗌之外仲有定食套餐，价钱相对比较优惠，而且每人嗌一款一齐SHARE已经好足够～ 芒果蟹籽沙律，芒果非常香甜，蟹籽既份量够多，沙律鲜甜又够爽，最出色系芒果呢～淋得黎又甜丝丝，同沙律都几夹 御膳D，先会黎一盘刺身，三文鱼肥美鲜甜，件件都系厚切嫁！带子，肉质软滑，中间夹住柠檬令柠檬既味停留左系带子身上，玻璃虾，有腥腥地既味道，仍可接受，口感较黏稠 另外仲有一小碗关东煮、白饭同面豉汤，关东煮味道较咸，同饭一齐食都唔错 朋友嗌既御膳F，刺身拌饭，份量相对地多，另外仲有串烧同甜品 汁烧鱿鱼筒，口感烟韧，味道香口，脚位比较硬，烧汁同鱿鱼系完美配搭建议热食，冻左鱿鱼会变得硬实难咬开～ 然后大家又嗌左几款寿司试下，最惊喜既系鹅肝寿司，鹅肝肥厚，煎得脆香，入口即溶好软淋，香味漂逸very good! 抹茶芝士蛋糕，抹茶味好浓厚，口感唔算太软滑，唔会有抹茶既甘苦味～