影片
更多
2024-01-22
3638 浏览
好耐冇喺北角逸龙轩饮茶，今日两个人嚟食晏。喺门口望入去，见到冇乜客、好多枱剩，同疫情前好唔同，连餐单同价钱都系唔同哂。以前都几经常嚟，虽然通常唔使等位，不过都冇乜枱剩。今日叫咗啲特别嘅嘢，我最欣赏系个金盏沙律百花蟹钳，大大只、卖相又靓，新鲜热辣，好正！😋不过超贵，两只$136😅！呢度啲灌汤饺虽然唔平，都唔算好贵，不过真材实料，够热好味，值得一试。😋通常饮茶都系食虾肠，带子肠都食过，不过一般都系带子碎上，呢度讲明系原只鲜带子，果然系唔同啲，重点：啲带子唔系细细粒㗎。个药膳绵花鸡又系有啲特色，$58唔算好贵，如果唔怕药材味都真系几OK。最唔抵食系黄金墨鱼饼，味道唔系好特别，但系要$98，平均$20一件！最后叫咗个炖汤同腊味煲仔饭，个汤够热，味道都算OK，不过煲仔饭啲腊味得个甜字，失望！😥个饭开盖之后唔记得影相！🤣🤣今餐啲嘢食整体都系算唔错，不过八折咗人均都仲要$378，虽然话系酒店啫，但系都真系几贵$$$！最唔明系：菊花茶收咗$28，但系张单上面仲有样嘢叫「座位费」每人$20😓！
今日叫咗啲特别嘅嘢，我最欣赏系个金盏沙律百花蟹钳，大大只、卖相又靓，新鲜热辣，好正！😋不过超贵，两只$136😅！
金盏沙律伴百花蟹钳（2只）
$136
37 浏览
2 赞好
0 留言
呢度啲灌汤饺虽然唔平，都唔算好贵，不过真材实料，够热好味，值得一试。😋
元贝蟹肉灌汤饺
$88
33 浏览
0 赞好
0 留言
通常饮茶都系食虾肠，带子肠都食过，不过一般都系带子碎上，呢度讲明系原只鲜带子，果然系唔同啲，重点：啲带子唔系细细粒㗎。
原只鲜带子肠粉
$68
53 浏览
0 赞好
0 留言
个药膳绵花鸡又系有啲特色，$58唔算好贵，如果唔怕药材味都真系几OK。
药膳绵花鸡
$58
67 浏览
0 赞好
0 留言
最唔抵食系黄金墨鱼饼，味道唔系好特别，但系要$98，平均$20一件！
黄金墨鱼饼
$98
43 浏览
0 赞好
0 留言
最后叫咗个炖汤同腊味煲仔饭，个汤够热，味道都算OK，不过煲仔饭啲腊味得个甜字，失望！😥个饭开盖之后唔记得影相！🤣🤣
逸龙炖汤
$98
30 浏览
0 赞好
0 留言
今餐啲嘢食整体都系算唔错，不过八折咗人均都仲要$378，虽然话系酒店啫，但系都真系几贵$$$！最唔明系：菊花茶收咗$28，但系张单上面仲有样嘢叫「座位费」每人$20😓！
张贴
